11—12-iyul kunlari Vilnyusda NATO sammiti bo‘lib o‘tdi. Uning asosiy mavzularidan biri Ukrainani qo‘llab-quvvatlash edi. Sammitning birinchi kunida NATO davlatlari Ukrainaning alyansga kirish jarayonini soddalashtirishga kelishib oldi, biroq “barcha ittifoqchilar rozi bo‘lib, shartlar bajarilgandagina” (qanday shartlar ekani noaniq) Ukraina alyansga taklif qilinishini qayd etdi.
Ukraina prezidenti Vladimir Zelenskiy 11-iyul kuni Vilnyusga keldi, ertasi kuni NATO sammitida qatnashdi. 12-iyul kuni 1997-yildan beri mavjud bo‘lgan Ukraina—NATO komissiyasi negizida tuzilgan Ukraina—NATO kengashining birinchi yig‘ilishi bo‘lib o‘tdi. Zelenskiy kengashning tashkil etilishi Kiyevda “alyansning bir qismi bo‘lish hissini uyg‘otadi” deb aytdi. Bir vaqtning o‘zida Yettilik guruhi davlatlari Ukraina uchun xavfsizlik kafolatlari to‘g‘risidagi bayonotni qabul qilib, unga harbiy va moliyaviy yordam va’da qildi.
Vilnyusliklar NATO sammitiga kelgan AQSH prezidenti Jo Baydenning kortejini kutmoqda.
NATO sammiti arafasida Vilnyus markaziga ramziy ma’noda jazo kamerasi(“SHIZO”)ning nusxasi o‘rnatildi. Shunday kameraga Rossiyaning Vladimir viloyatidagi koloniyada saqlanayotgan siyosatchi Aleksey Navalniy o‘tgan yil davomida 16 marta yuborilgan.
Bino tepasidagi “Putin, Gaaga seni kutmoqda” yozuvi 2022-yil bahorida paydo bo‘lgandi. Yaqinda uning yonida Litva, Ukraina va NATO bayroqlari osildi.
Ukraina prezidenti Vladimir Zelenskiy va Litva prezidenti Gitanas Nauseda Vilnyus markazidagi mitingda. 2023-yil 11-iyul.
Sammit o‘tkazilayotgan Litexpo biznes markazi hududini NATO kuchlari nazorat qilmoqda.
Ko‘rgazma markazi hududida bir guruh jurnalistlarni olib yurgan sammit qo‘riqchisi
Litvadagi sammit oldidan NATO rahbariyati Vilnyusni “alyansga aʼzo mamlakatlarning eng ilg‘or qurollari bilan himoyalangan qalʼaga” aylantirdi. NATOning 16 ta davlati yig‘ilishni qo‘riqlash uchun birgalikda mingga yaqin askarini yubordi. Germaniya Litvaga 12 ta Patriot zenit-raketa tizimini, Ispaniya NASAMS havo mudofaa tizimini, Fransiya esa Caesar o‘ziyurar gaubitsalarini jo‘natdi. Sammit davomida ekspomarkaz hududi ustida uchta vertolyot doimiy ravishda aylanib yurdi.
Vladimir Zelenskiy sammitga ikkinchi kun, 12-iyul kuni tashrif buyurdi. U jurnalistlar bilan qisqacha suhbatlashdi
12-iyul kuni tushdan keyin NATO sammitida Ukraina—NATO kengashining birinchi yig‘ilishi bo‘lib o‘tdi. U 1997-yildan beri mavjud bo‘lgan Ukraina—NATO komissiyasi asosida yaratilgan. Bu yig‘ilish munosabatlar darajasining oshishi va kelajakda Ukrainaning alyansga kirishi yo‘lidagi qadamlardan biri, deb ishonilmoqda. Kengashda Ukraina muzokaralar uchun taklif qilingan tomon emas, balki to‘liq ishtirokchi sifatida qatnashadi.
Kanada bosh vaziri Jastin Tryudo, Chexiya prezidenti Pyotr Pavel, Daniya tashqi ishlar vaziri va sobiq bosh vaziri Lars Rasmussen hamda Finlyandiya prezidenti Sauli Niinistyo NATO—Ukraina kengashi yig‘ilishi oldidan gurunglashmoqda
NATO—Ukraina kengashining birinchi yig‘ilishi
Uchrashuv oldidan Buyuk Britaniya bosh vaziri Rishi Sunak, Turkiya prezidenti Rajab Toyyib Erdo‘g‘on, NATO bosh kotibi Yens Stoltenberg va AQSH prezidenti Jo Bayden Ukraina prezidenti Vladimir Zelenskiy bilan salomlashmoqda
AQSH prezidenti Jo Bayden Vilnyusdagi mitingda nutq so‘zlamoqda. 2023-yil 12-iyul
NATO yetakchilarining kortejlari kelayotgani sababli Vilnyusda fuqarolik mashinalari harakati to‘sib qo‘yilgan ko‘cha.
Izoh (0)