Испания аэропортида икки қаватли Boeing ёниб кетди (видео)

British Airways авиакомпаниясининг Boeing 747 самолёти Испаниянинг Кастелон аэропортида ёниб кетди, дея хабар берди аэропорт ўз Twitter саҳифасида.

https://twitter.com/Conradoaviacion/status/1330881634355310601

Ёнғин 23 ноябрь куни тушдан кейин икки қаватли лайнернинг олд қисмида содир бўлган. Видеода кабинадан қора тутун чиқаётганини кўриш мумкин. Таъкидланишича, самолётни утилизация қилиш учун олиб келинган.

Ёнғин аллақачон ўчирилган. Ҳодиса натижасида ҳеч ким жабрланмаган.

Июль ойида British Airways авиакомпанияси коронавирус пандемияси сабабли «осмон маликалари» деб аталган Boeing 747 самолётидан воз кечишга мажбур бўлганлигини айтди. Авиакомпания парки ушбу моделдаги 31 та самолётни ўз ичига олган.