Mashhurlar nafaqat filmlarda yoki sahnada, balki ixtirochi sifatida ham mashhur bo‘lishi mumkin. The Voice nashri o‘zlari ixtiro qilgan buyumlar orqali ham daromad topgan mashhurlar haqida ma’lumot berdi.
Maykl Jekson
Maykl Jekson dizaynerlar bilan birgalikda shaffof poshnali poyabzallarni ixtiro qilgan. Ular havoda muallaqlik effektini yuzaga keltiradi. Ushbu oyoq kiyim xonandaning mashhur “Oyda yurish” raqsi uchun yaratilgan.
Jeymi Li Kertis
Aktrisa yosh ota-onalarning hayotini osonlashtiradigan narsa: salfetkalar uchun cho‘ntakli taglikni o‘ylab topdi. U patentni biologik parchalanadigan tagliklar yaratishga va’da bergan kompaniyaga sotdi.
Marlon Brando
Aktyor baraban chalishni yaxshi ko‘rar edi, shuning uchun u musiqiy asbobni to‘g‘ri sozlashga yordam beradigan qurilmani ixtiro qildi va patentladi.
Uolt Disney
Animator multfilmlar ishlab chiqarishda yordam beradigan bir nechta narsalarni ixtiro qildi. Masalan, u rasmlar to‘plamini jonlantiruvchi qurilmani yaratishga muvaffaq bo‘ldi.
Prins
Xonanda “perplaks” — purpleaxxe yangi musiqa asbobini ishlab chiqarish yo‘lini o‘ylab topdi. Ushbu g‘alati qurilma gitara va sintezator gibridiga o‘xshaydi.
Jorj Lukas
Mashhur rejissor “Yulduzli jangi”dagi qahramonlar va kemalarning rasmiy rasmlari uchun o‘nlab patent oldi.
.jpg)
Jeyms Kemeron
“Titanik” rejissori suratga olish ishlariga muddatidan avval tayyorlana boshladi. U 1991-yilda insonni suv ostiga tushirishga yordam beradigan asbobni ixtiro qildi.
Garri Xudini
Buyuk sehrgar o‘zining shoulari uchun bir narsalarni o‘ylab topdi. U kiyish va yechish juda oson bo‘lgan, suv ostiga sho‘ng‘ishga yordam beradigan kostyumni yaratdi.
Izoh (0)