Xiaomi ҳаммаёғи экрандан иборат смартфонни намойиш этди. Унинг пулига тўртта iPhone беради

Хитойнинг Xiaomi компанияси Mi Mix Alpha консептуал смартфонини намойиш этди, дея хабар бермоқда Meduza.

Унинг энг асосий ўзига хослиги — корпусни тўлиқ қамраб олган экранидир. Дисплейнинг майдони қурилма ҳажмининг 180 фоизини ташкил этади.

https://twitter.com/Xiaomi/status/1176478891331981312

Smartфоннинг орқа панелида турли ахборот, масалан, об-ҳаво маълумоти ёки навигатор акс этиб туради.

https://twitter.com/Xiaomi/status/1176486441246806019

Ён панелда батарея қуввати ва тармоқ сигнали индикаторлари, шунингдек, овозни баланд-паст қилиш сенсор тугмалари жойлашган.

https://twitter.com/Xiaomi/status/1176482666574569472

Орқа панелда Samsung’нинг Xiaomi билан ҳамкорликда ишлаб чиқилган 108 мегапикселли камераси жойлашган. Қурилма, шунингдек, 20 мегапикселли ултракенг бурчакли объектив ва 12 мегапикселли телеобъективга ҳам эга. Телефоннинг олд камераси йўқ.

Смарфон 5G тармоқда ишлай олади, оператив хотираси 12 гигабайтга, ички хотираси эса 512 гигабайтга тенг. Батареясининг қуввати 4050 миллиампер-соатга тенг.

https://twitter.com/Xiaomi/status/1176427606490542081

Mi Mix Alpha смартфони 2019 йилда чекланган миқдорда чиқарилади. Телефоннинг нархи 19 999 юан (2800 доллар)га тенг. Таққослаш учун, iPhone 11 нинг 64 гигабайтли версияси АҚШда бундан тўрт баробар арзон — 700 доллардан сотилмоқда.