Bundan oldin Farg‘onada 45 yoshli erkak xotinini bolta bilan chopib tashlagani, Sirdaryoda xotinini farzandining oldida 14 marta pichoqlab o‘ldirgan erkak 17 yilga qamalgani, Buxoroda qo‘shni ayolni o‘roq bilan jarohatlab o‘ldirgan shaxs qo‘lga olingani to‘g‘risida xabar berilgandi.
Qashqadaryoda erkak ayoli va o‘g‘lini o‘zining 3 nafar aka-ukasi bilan birgalashib kaltakladi
Ijtimoiy tarmoqlarda “Qashqadaryoda ona-bolani amakilari vahshiylarcha kaltakladi” sarlavhali videotasvir tarqaldi. Qashqadaryo viloyat Ichki ishlar boshqarmasi holat yuzasidan rasmiy munosabat bildirdi.
Qayd etilishicha, 2-aprel kuni soat 08:00 larda Qamashi tumani “Mayda” MFYda yashovchi uy bekasi Z.X. yashash uyida o‘tirgan vaqtida turmush o‘rtog‘i X.Xa. hamda uning aka-ukalari X.X., X.Fa., X.F. bilan kelgan. O‘zaro janjallashib qolib, aka-ukalar Z.X. va o‘g‘li Sh.P.ga tan jarohati yetkazgan.
Holat yuzasidan X.Xa., X.X., X.Fa., X.F.ga nisbatan Jinoyat kodeksining 105-moddasi 2-qismi “g,i,m” bandi (o‘ta shafqatsizlik bilan, bir guruh shaxslar yoki uyushgan guruh a’zosi tomonidan yoxud shu guruh manfaatlarini ko‘zlab, qurolni yoki sovuq qurol sifatida foydalanilishi mumkin bo‘lgan ashyolarni ishlatib sodir etilgan qasddan badanga o‘rtacha og‘ir shikast yetkazish) bilan jinoyat ishi qo‘zg‘atilib, jabrlanuvchining turmush o‘rtog‘i X.Xa.ga nisbatan qamoqqa olish tarzidagi ehtiyot chorasi qo‘llanilgan.
Hozirda mazkur holat yuzasidan Qamashi tumani IIB Tergov bo‘limi tomonidan tergov harakatlari olib borilmoqda.
Izoh
Kirish
Asosiy yangiliklar
