“Shaxtyor” futbolchisi Rossiyaning Serbiya ustidan qozonilgan g‘alabasi haqidagi postga “layk” bosgani uchun jarimaga tortiladi

Futbol bo‘yicha Rossiya va Serbiya o‘rtasidagi o‘rtoqlik uchrashuvi 21-mart kuni bo‘lib o‘tdi. Unda ruslar serblarni 4:0 hisobida mag‘lub etishdi.

Ukrainaning “Shaxtyor” klubi tojikistonlik futbolchi Xusrav Toirovni Rossiya terma jamoasining o‘rtoqlik uchrashuvida Serbiya ustidan qozongan g‘alabasi haqidagi postga “layk” qo‘ygani uchun jarimaga tortishini ma’lum qildi.

“Shaxtyor” Xusrav Toirovning Rossiya mamlakati g‘alabasi haqidagi post ostidagi munosabatini ko‘rdi. Biz bu xatti-harakatni nomaqbul va sharmandali deb hisoblaymiz. Futbolchi bir oylik maoshi miqdorida jarimaga tortiladi va bu pul Ukraina Qurolli kuchlari bo‘linmalarini qo‘llab-quvvatlashga sarflanadi, bu haqda biz albatta xabar beramiz”, — dedi “Shaxtyor” Football 24 portaliga.

Manbaga ko'ra, Toirovning oylik maoshi taxminan 710 ming rubl (taxminan 100 million so‘m)ni tashkil qiladi. 19 yoshli futbolchining klub bilan amaldagi shartnomasi 2027-yilning oxirigacha amal qiladi.