Mirzo Ulug‘bek rasadxonasi ko‘rinishidagi sahna, o‘z qo‘shiqlari bilan barchaga manzur bo‘lgan Sami Yusuf, dronlar ishtirokidagi “Boqiy shahar yulduzlari” sahna ko‘rinishi — “Xalqaro turizm markazi” ochilish marosimidan fotoreportaj

Shavkat Mirziyoyev bugun, 23-avgust kuni “Buyuk ipak yo‘li” xalqaro turizm markazining tantanali ochilish marosimida ishtirok etdi.

Prezident Shavkat Mirziyoyev Samarqand tumanida Xalqaro turizm markazining ochilishiga bag‘ishlangan bayram tadbirida ishtirok etmoqda.

Yiliga 2 million turistga xizmat qiladigan bu ko‘p tarmoqli markaz tarkibida “Boqiy shahar” majmuasi, Kongress holl, 8 ta zamonaviy mehmonxona, amfiteatr va ko‘plab boshqa obyektlar mavjud.

Tadbir avvalida Shavkat Mirziyoyev so‘zga chiqib, bu kabi turizm markazlarini kelgusi yillarda Buxoro va Xorazm viloyatlarida ochilishini ham aytdi.

“Qadimiy va navqiron Samarqand bag‘rida qad rostlagan mana shunday zamonaviy, ulug‘vor me’moriy majmua barchamizga, butun xalqimizga muborak bo‘lsin, buyursin!”, — dedi prezident.

Shundan so‘ng tadbirning badiiy qismi boshlandi. Unda bir qator sahna ko‘rinishlari namoyish etildi, asli eroniy-ozarbayjonlik bo‘lgan britaniyalik mashhur qo‘shiqchi Sami Yusuf qo‘shiq kuyladi hamda dronlar ishtirokida “Boqiy shahar yulduzlari” sahna ko‘rinishi namoyish qilindi.

“Daryo” muxbiri ushbu ochilish marosimidan fotoreportaj tayyorladi.