Jizzaxda qarzdorlikni undirishga kelgan MIB xodimi ota-bola tomonidan kaltaklandi
Jizzaxning Arnasoy tumanida qarzdorlikni undirishga kelgan MIB xodimi ota-bola tomonidan kaltaklandi. Bu haqda Bosh prokuratura matbuot xizmati xabar berdi.
Ma’lum qilinishicha, 25-avgust kuni MIB Arnasoy tumani bo‘limi davlat ijrochisi ish yurituvidagi qarzdor T.T.dan davlat foydasiga 3,5 million so‘m davlat bojini undirish uchun qarzdorning yashash xonadoniga borgan.
Biroq ijro harakatlarini amalga oshirishi vaqtida qarzdor va uning o‘g‘li davlat ijrochisining qonuniy faoliyatiga faol qarshilik ko‘rsatib, uni haqorat qilib, turli sohalariga qo‘li bilan urib-tepib, tan jarohati yetkazgan.
Holat yuzasidan Jinoyat kodeksining 140-moddasi (haqorat qilish) va 219-moddasi (hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) bilan jinoyat ishi qo‘zg‘atilgan. Tergov harakatlari olib borilmoqda.
Mavzuga doir: Surxondaryoda qarzdor fuqaro va uning otasi MIB xodimlariga tan jarohati yetkazdi
