Toshkentda 63 ta qoidabuzarlik sodir etgan haydovchi 50 mln so‘m jarima to‘ladi
Toshkent shahrida fuqaro yo‘l harakatiga amal qilmagani uchun 63 ta qoidabuzarlikka jarima to‘ladi. Bu haqda Majburiy ijro byurosi “Daryo”ga ma’lum qildi.
Qayd etilishicha, MIB Olmazor tuman bo‘limi ish yurituvida Toshkent shahar Yo‘l harakati xavfsizligi boshqarmasining bir nafar fuqaroga nisbatan bir qator qarorlariga asosan qarzdor A.A.dan davlat foydasi yo‘l harakati qoidalariga amal qilmagani sabab yo‘l harakati xavfsizligi boshqarmasi xodimlari tomonidan jami 63 ta ma’muriy bayonnomalar tuzilgan. Ulardan 50 million so‘m miqdorida ma’muriy jarimalar undirish belgilangan.
Mazkur qarorlar ijrosi ta’minlanishi maqsadida majburiy ijro harakatlariga kirishilib, qarzdor fuqaroga tegishli bo‘lgan Cobalt avtotransport vositasini xatlash jarayonida jarimalar to‘liq undirilgan va ijro ishi tamomlangan.
