Turkiyalik mashhurlarning o‘zidan ham mashhurroq farzandlari (foto)
Turk kino olamining shunday mashhur vakillari borki, ularning farzandlari yosh bo‘lishiga qaramay, ota-onalaridan ko‘ra ko‘proq mashhurlikka erishgan. Elle nashri turkiyalik mashhurlarning o‘zidan ham ko‘proq mashhur bo‘lish imkoniyatiga ega farzandlari haqida ma’lumot berdi.
Mavi — Gamze Erchel va Janer Yildirimning qizi
Mavi nafaqat mashhur brendlarning yuziga aylanib borayotgan Gamze Erchelning qizi, balki dunyoga mashhur turk aktrisasi Xande Erchelning jiyani hamdir. Qizaloqning otasi esa tor doiralarda va shu bilan birga ommaviy axborot vositalarida juda taniqli arxitektor hisoblanadi. Qizaloq ijtimoiy tarmoqlarni zabt etmoqda va uning Xande bilan tushgan suratlari muhokamalarga sabab bo‘ladi.
Mavi o‘zi uchun qaysi yo‘lni tanlashi hali aniq emas, biroq agar bu yo‘l kino karyerasi bo‘lsa, unda Mavi Yildirim xolasidan ko‘ra ko‘proq mashhur bo‘lish uchun barcha imkoniyatlarga ega. Barcha muxlislar qizaloqni oson taniydi va shuning uchun rejissorlardan biri unga birinchi rolini berishi mantiqan to‘g‘ri.
Karan — Burak O‘zchivit va Fahriye Evjenning o‘g‘li
Ko‘plab tomoshabinlar Burak O‘zchivit va Fahriye Evjenning farzandi Karan haqida biladi, bolakay reklama roligida suratga tushib 57 300 dollar miqdoridagi mablag‘ni qo‘lga kiritgan. Karan kadrda bor-yo‘g‘i besh soniya bo‘ldi va u otasi va onasiga qaraganda ko‘proq foyda oldi.
Mashhur ota-onalar o‘z farzandi bilan ekranda ko‘rinish berishi bilan ularga takliflar tusha boshlaydi. Karan otasining taqdirini takrorlaydimi yoki yo‘qmi, bu hozircha noma’lum, biroq uni reklama roligida suratga tushib, eng katta mablag‘ olgan bolakay deb atash mumkin.
Mayya Bashol — Asi va Emrah Basholning qizi
Mayya Bashol “Eshigimni taqillat” serialida Serkan Bolat va Eda Yildizning qizi rolini o‘ynadi. Hammasi ijtimoiy tarmoqlarda qizning onasi qizining akkauntini ochishga qaror qilganidan boshlandi. Qizaloq o‘z kiyimlarini sinchkovlik bilan tanlaydi, suratga oladi va muntazam ravishda yangi kadrlarni sahifasiga joylaydi. Shundan keyin aktrisaga bir qancha takliflar tushdi.
Mayyaning otasi taniqli biznesmen, shuning uchun ham uning mashhur bo‘lishi tabiiy edi. Biroq qizaloqning ota-onasi qizining muvaffaqiyatiga soya sola olmadi, sababi u juda xarizmatik va iste’dodli. Maya Bashol tez orada yulduzga aylanishi mumkin.
Lara va Lili Koli — Maryam Uzerlining qizlari
“Muhtasham yuz yil” serialida Xurram Sulton obrazini gavdalantirgan aktrisa Maryam Uzerli ikki qizning baxtli onasi. Maryamning muxlislari ko‘pincha qizaloqlarining unga juda o‘xshab ketishi haqida yozadi. Bu holatda qizlar onasidan ko‘ra ko‘proq mashhur bo‘lish uchun barcha imkoniyatlarga ega, chunki aktrisaning qizlari bilan tushgan surati muhokamalarga va turli xil izohlarga sabab bo‘ladi.
Lili Koli hali juda kichik, biroq Lara yaqin kelajakda seriallarda rol o‘ynashi mumkin. Aktrisa loyihalarda suratga tushish qiyinligini bilgani bois qizlarini bu ishlardan yiroq tutadi. Biroq ertami-kechmi qizlar onasining izidan borishi mumkinligini inkor etish befoyda.
Ebrar Demirbilek — Erdar va Leyla Demirbilekning qizi
Ebrarning ota-onasi aktyorlik muhitidan uzoqda bo‘lsa ham, u haqiqiy yulduzga aylangan. Qizaloqning dadasi qimmatbaho butikning egasi, shuning uchun u mashhurlar va badavlat turklar orasida juda mashhur. Biroq tadbirkorning qizi undan ko‘ra mashhurlikka erishgan.
Qizaloq “Beqaror” serialida suratga tushganidan keyin mashhurlikka erishdi, u serialda bosh qahramonning singlisi rolini ijro etdi. Hozirda ijtimoiy tarmoqlarda qizaloqning Kerem Bursin bilan serialda bosh rolni o‘ynashi haqida mish-mishlar tarqalmoqda, bu uning reytingini yanada oshiradi.
Ali — Halit Ergench va Berguzar Korelning o‘g‘li
“Muhtasham yuz yil” seriada Sulton Sulaymon rolini ijro etgan aktyor Halit Ergench o‘z farzandlarini ommaviy axborot vositalari diqqat-e’tiboridan astoydil himoya qiladi. Biroq aktyorning muxlislari to‘ng‘ich o‘g‘li Alining suratlaridan bahramand bo‘lishi mumkin. Alining ko‘zlari otasining o‘tkir kulrang ko‘zlariga o‘xshamasa ham, u juda chiroyli ko‘rinishga ega. Ko‘plab muxlislar uning taniqli ota-onasidan ko‘ra mashhurlikka erishishini aytmoqda.
Umuman olganda, bu fikr to‘g‘ri, Ali hatto paparatssilarni hayratda qoldirib, kamerada yaxshi suratga tushadi. Agar Halit farzandini cheklamasa va unga o‘zini aktyor sifatida sinab ko‘rishga imkon bersa, Ali ham mashhurlikka erishadi.
Tarik Emir Tekin — Shevval Samning o‘g‘li
“Muhtasham yuz yil” serialidagi Valide Sulton roli bilan tomoshabinlar e’tirofiga sazovor bo‘lgan aktrisa Shevval Semning farzandi allaqachon voyaga yetgan. Shuning uchun u o‘z karyerasini qurmoqda va mashhurlikka erishmoqda. Takin 25 yoshda va u Oksford drama maktabini tamomlagan. Aktyorning karyerasi yaqinda boshlangan, biroq uning onasini ortda qoldirish uchun barcha imkoniyatlari bor.
Takin 2020-yilda “Vafosiz” teleserialida rol o‘ynadi va hozirda u Alina Boz uning partnyori bo‘lgan “Farishtalar ertagi” loyihasida bosh rolni oldi. Bu juda yaxshi boshlanish, chunki aktrisa juda ko‘p rollarga ega va hatto Turkiyada “Oskar” mukofotiga teng bo‘lgan “Oltin kapalak”ni olgan.
Mavzuga doir:
- Hande Erchel, Fahriye Evjen va vazn yo‘qotib, tanib bo‘lmas darajada o‘zgargan boshqa turk aktrisalari (foto).
- Suratga olish maydonchasida janjal keltirib chiqargan eng injiq turk aktyor va aktrisalari (foto).
- Seriallarda birga suratga tushgan bo‘lsa-da, sahna ortida bir-birini ko‘rarga ko‘zi yo‘q turk aktyor va aktrisalari (foto).
- Turk kinosining taniqli aktyor va aktrisalari hamda mashhurlikda ulardan qolishmaydigan farzandlari (foto).
