Jizzaxda 4 kishi is gazidan zaharlanib, vafot etdi

Jizzax shahridagi xonadonlarda birida 31-yanvar kuni 4 kishining murdasi topildi. Bu haqda “Daryo”ga Bosh prokuratura matbuot kotibi Hayot Shamsutdinov xabar berdi.

Mutaxassislarning birlamchi ma’lumotiga ko‘ra, hodisa sodir bo‘lgan xonadonga o‘rnatilgan isitish tizimi tabiiy gazdan foydalanish va yo‘ng‘in xavfsizligi qoidalariga zid ekani ko‘rsatilgan.

Sud-tibbiy ekspertizaning ma’lumotiga ko‘ra, marhumlarning o‘limiga is gazidan zaharlanishi sabab bo‘lgan. Holat yuzasidan Jinoyat kodeksining 207-moddasi (mansabga sovuqqonlik bilan qarash) 3-qismi “a” bandi bilan jinoyat ishi qo‘zg‘atilgan.

Mavzuga doir:

• Samarqandda kelin-kuyov is gazidan zaharlanib vafot etdi
• Qashqadaryoda bir oilaning 4 aʼzosi is gazidan vafot etdi