Bitkoin olti oydan beri ilk bor 25 ming dollarga yaqinlashdi
Bitkoin narxi olti oy ichida birinchi marta 25 ming dollarga yaqinlashdi. So‘nggi 24 soat ichida eng yuqori narx 24 898 dollarni tashkil qildi.
Toshkent vaqti bilan soat 19:40 holatiga ko‘ra, bitkoin narxi 24 391 dollar bo‘lib turibdi. So‘nggi 24 soat ichida kriptovalyuta narxi 11 foizga ko‘tarildi.
Bloomberg qayd etishicha, kriptovalyuta qimmatlashishi investorlarning Qo‘shma Shtatlar tomonidan mumkin bo‘lgan tartibga solish cheklovlaridan qo‘rquvning kamayishi bilan bog‘liq.
Hafta boshida raqamli aktivlar AQSHda ma’lum kriptomahsulotlarga cheklovlar kiritilgandan so‘ng, shuningdek, Nyu-York moliyaviy xizmatlar departamentining uchinchi yirik emissiyani taqiqlash to‘g‘risidagi qarori munosabati bilan pasayishni boshlagandi.
Tahlilchilar fond bozorida ijobiy kayfiyat davom etib, kriptovalyuta narxlari o‘sishini prognoz qilmoqda.
