Nodavlat bog‘chalar xodimlarining ham anomal sovuq davridagi ish haqi saqlab qolinadi

O‘zbekistonda nodavlat maktabgacha ta’lim tashkilotlarida ham anomal sovuq davridagi ish haqi saqlab qolinadi. Bu haqda Maktabgacha ta’lim agentligi axborot xizmati xabar berdi. 

Xabarga ko‘ra, anomal sovuq davrida maktabgacha ta’lim tashkilotlari vaqtincha ta’tilga chiqqan. Ushbu ta’til davrida MTTda faoliyat yuritayotgan barcha xodimlar uchun ish haqi to‘lovlari amaldagidek saqlab qolinishi ma’lum qilingandi.

Qayd etilishicha, hozirda Maktabgacha ta’lim agentligi davlat xususiy-sherikchilik hamda oilaviy maktabgacha ta’lim tashkilotlari xodimlarining ham mazkur davrdagi oylik ish haqlari saqlab qolinishi borasida tegishli chora-tadbirlarni amalga oshirmoqda.