“Futbol assotsiatsiyasida Ruslan Chagayevga joy topilmaydimi, mobodo?” Davron Kabulov Azim Mullaxonovning Muqimiy teatriga direktor etib tayinlanishiga munosabat bildirdi
“Million” kulgi jamoasi sardori, boshlovchi Davron Kabulov O‘zbekistonda xizmat ko‘rsatgan artist Azim Mullaxonovning Muqimiy teatriga direktor bo‘lgani haqida fikr bildirdi.
Azim Mullaxonov yoshlikdagi sevimli xonandalarimizdan biri. “Shaytanat”, “Ota”, “Dedim sen”, “Janona”, “Suhbatingga tashnaman”— ma’nodor, vaznli, umrboqiy qo‘shiqlar. Azim aka juda vazmin, fikri o‘tkir, ham klassik, ham estrada yo‘nalishida yoshlarga to‘g‘ri yo‘lni aniq tashxis bilan ko‘rsata oluvchi ustoz xonanda. Agar Azim aka “O‘zbekkonsert” yo filarmoniyada ish olib borsalar, qo‘shiqchilarning aksariyati uchun manfaatli bo‘lishini ko‘p marta ta’kidlab kelardim. Kecha Azim Mullaxonov yangi lavozimga tayinlanibdilar. Lekin qayoqqa? Shu g‘oyani bergan odamni sirkka direktor etib tayinlash kerak. O‘zbekiston futbol assotsiatsiyasida Ruslan Chagayevga joy topilmaydimi, mobodo?”, — deb yozadi Davron Kabulov Instagram’dagi sahifasida.
