Oq kiyimdagi dezodorantdan qolgan dog‘larni ketkazishning tez va oson usuli

Endi sevimli oq rangli ko‘ylakdagi dezodorantdan qolgan sariq dog‘lar uni tashlab yuborish uchun sabab bo‘la olmaydi. Uy sharoitida ulardan tez va oson qutulish mumkin.

Buning uchun kerak bo‘ladi:

• 1 stakan sirka kislotasi;
• 0,5 stakan isteʼmol sodasi;
• 1 osh qoshiq tuz;
• 1 osh qoshiq vodorod peroksid.

  

Ko‘rsatma:

Aksariyat odamlarning fikricha, kiyimdagi sariq dog‘lar ter izlaridir. Ammo bu mutlaqo xato — bunday dog‘lar alyuminiyni o‘z ichiga olgan antiperspirantni qo‘llashdan keyin terida yuzaga keladigan reaksiya natijasida hosil bo‘ladi. Kiyimlarni asl oqligini qaytarish uchun ularni sirkali eritma suvda 20 daqiqa ushlab turing (2 stakan iliq suvga 1 stakan sirka nisbatida).

Kiyimni yaxshilab siqib oling va ustiga toza paxmoq sochiq bostiring. Sarg‘aygan matoga isteʼmol sodasi, tuz va vodorod peroksidni aralashtirib, hosil bo‘lgan pastani quyuq qilib surib chiqing. Uni 20-30 daqiqaga qoldiring.

So‘nggi jarayon ko‘ylakni kir yuvish mashinasida boshqa oq kiyimlar bilan birga yuving — hech qanday dog‘ izi qolmaydi.

Mavzuga doir:

• Qishki kiyim-kechak va poyabzallarni keyingi mavsumgacha yaxshi saqlashga yordam beradigan 10 ta layfxak
• Kiyimlar yoqasidagi tonal krem dog‘larini qanday qilib oson tozalash mumkin?
• Salomatlik uchun: nima sababdan har doim yangi kiyimlarni sotib olgandan keyin yuvish kerak?