AQSHda Silicon Valley Bank bankrot bo‘ldi, yana bir bank esa tizimli xavflar tufayli yopildi
AQSHda tizimli xavflar tufayli mahalliy Signature Bank banki yopildi. Bu haqda AQSH moliya vaziri Janet Yellen, Federal zaxira tizimi raisi Jerom Pauell va depozitlarni sug‘urtalash bo‘yicha Federal korporatsiya rahbari Martin Grunberg bayonotida aytiladi.
10-mart kuni Silicon Valley Bank (SVB) bankrot deb e’lon qilingan bo‘lib, u AQSHning startaplarga yo‘naltirilgan 16-yirik bankidir.
AQSH omonatchilarni qo‘llab-quvvatlash va zarar ko'rgan moliya institutlarini himoya qilishga qaratilgan favqulodda moliyalashtirishni o‘z ichiga oluvchi reja ishlab chiqqan.
Ushbu bankrot AQSH tarixidagi Vashington Mutual Bankidan keyin ikkinchi yirik bankrot bo‘ldi. Reuters agentligiga xabariga ko‘ra, hali sug‘urtalanmagan omonatlarning taqdiri hal qilinmagan.
Amerika rasmiylaridan bank mijozlari mablag‘larini tejash va SVB inqiroziga olib kelgan holatni bartaraf etish uchun favqulodda choralar ko‘rish talab qilingan.
Rasmiylar SVB’ni bankrot deb e'lon qilishdan oldin yirikroq moliyaviy tashkilotga sotishga urinib ko‘rgan. Biroq, jiddiy takliflar bo‘lmagan.
Mazkur xabarlardan so‘ng yetakchi kompaniya aksiyalari tushib ketgan.
