Gurlan tumani hokimining 33 yashar o‘rinbosari baxtsiz hodisa oqibatida vafot etdi
Xorazm viloyati Gurlan tumani hokimining o‘rinbosari Umid Jumagaldiyev 17-mart kuni vafot etdi. Bu haqda Investitsiyalar, sanoat va savdo vazirligi axborot xizmati xabar berdi.
Xabarga ko‘ra, 17-mart kuni tuman Investitsiyalar, sanoat va savdo bo‘limi boshlig‘i Umid Jumagaldiyev baxtsiz voqea oqibatida vafot etdi. U 2021-yilda tuman hokimi o‘rinbosari etib tayinlangan.
Umid Jumagaldiyev 1990-yilda Gurlan tumani Xazorasp qishlog‘ida tug‘ilgan, Toshkent davlat iqtisodiyot universiteti bitiruvchisi. Uning 3 nafar voyaga yetmagan farzandi bor.
“Investitsiyalar, sanoat va savdo vazirligi jamoasi Umidjon Jumagaldiyevning bevaqt vafoti munosabati bilan yaqinlariga chuqur hamdardlik bildiradi. Uning yorqin xotirasi qalblarimizda saqlanib qoladi”, deyiladi vazirlik xabarida.