Budjet tashkilotlari xodimlarini “Tashabbusli budjet”ga ovoz yig‘ishga majburlash taqiqlandi

Shavkat Mirziyoyev tashabbusli  budjetlashtirish amaliyotini takomillashtirish to‘g‘risidagi qarorga imzo chekdi.

Qarorga ko‘ra, endilikda tashabbusli budjetlashtirish jarayonlari doirasida budjet tashkilotlarining rahbar xodimlari tomonidan majburiy ovoz yig‘ish bo‘yicha xodimlarga topshiriq berishlari taqiqlanadi. 

Ovoz yig‘ishga majburlash tegishli tashkilot xodimlarini majburiy mehnatga jalb qilish sifatida tasniflanadi. Prezident “Tashabbusli budjet”da 1 ming 500 dan ortiq ovoz to‘plagan loyihalarni 2024-yilgi byudjetni shakllantirishda inobatga olish zarurligini ta’kidladi.