Rianna 21 mln dollarga osmono‘par bino tepasidan pentxaus sotib oldi
Rianna Gollivudning eng badavlat yulduzlaridan biri hisoblanadi. Xonanda oila a’zolaridan hech narsani ayamaydi. U yaqinda osmono‘par binoning 40-qavatida joylashgan uch xonali uyni sotib oldi, deb xabar bermoqda Peopletalk nashri.
Architectural Digest nashrining xabar berishicha, avvalroq Rianna “Do‘stlar” filmi yulduzi Mettyu Perriga tegishli bo‘lgan mulkni sotib olgan. Biroq, bu uy xonandaning avvalgi uyidan ikki barobar katta bo‘lib, to‘rtta yotoqxona va oltita hammomdan iborat bo‘ladi.
Dastlab ko‘chmas mulkning narxi 28 million dollarni tashkil etgan, biroq xonanda savdolashib narxni 21 million dollarga tushirishga muvaffaq bo‘lgan.
Avvalroq xonanda ijtimoiy tarmoqlardagi sahifasiga o‘g‘li bilan tushgan videosini joylashtirgan edi, u haligacha o‘g‘lining ismini ommaga oshkor qilmagan.
