Foto: Rossiya qurayotgan Qrimdagi istehkomlarning sun’iy yo‘ldoshdan ko‘rinishi
Rossiya harbiylari Qrimda hozirda qurayotgan istehkomlarning sun’iy yo‘ldoshdan olingan surati e’lon qilindi. Suratlar Amerikaning Maxar Technologies kompaniyasi tomonidan olingan.
Tasvirlarda Ukrainaning qarshi hujumi fonida Rossiya armiyasi Qrimda mudofaani kuchaytirayotganini ko‘rish mumkin.
2022-yil avgust oyida Qrim shimolidagi Maslovo qishlog‘ida olingan suratda okoplar hali aks etmagan.
2023-yil yanvarida olingan suratda esa Rossiya armiyasining mudofaa istehkomlarini ko‘rish mumkin.
Qrim shimolidagi Medvedevka qishlog‘ida Rossiya armiyasining 2023-yil 3-yanvarda qayd etilgan mudofaa tuzilmalari aks etgan.
2023-yil 11-fevraldagi Medvedevka qishlog‘ining mazkur sun’iy yo‘ldosh surati allaqachon himoya inshootlari soni ancha ko‘payganini ko‘rsatadi.
Ushbu rasmda 2023-yil 16-fevralda Shimoliy Qrimdagi Armyansk shahridagi okoplar aniq aks etgan.
Rossiya harbiylari 2023-yil 31-mart kuni Qrimning Vitino qishlog‘idagi plyajda xandaqlar tayyorlagan.
Fevral oyi o‘rtalarida esa Rossiya harbiylari Medvedevka qishlog‘ida harbiy texnika joylashtirgani qayd etilgan.
Eslatib o‘tamiz, avvalroq Ukraina armiyasi 3 ta sababga ko‘ra qarshi hujumni kechiktirgani ma’lum qilingan. Jumladan, operatsiya ob-havo sharoiti, asbob-uskunalarni yetkazib berishning sekinlashgani va Pentagonning Ukraina armiyasiga oid maxfiy hujjatlari internetda tarqalib ketgani sabab qilib ko‘rsatilgan.
