Sochlar sinishi va to‘kilishining oldini olishda yordam beradigan 10 ta maslahat
Yoshingizdan qat’i nazar, soch to‘kilishi bilan bog‘liq muammoalarga duch kelishingiz mumkin, bunga esa gormonlar, stress, noto‘g‘ri ovqatlanish, bo‘yash va parvarish qilish sabab bo‘ladi.
Ayollarda soch to‘kilishini qanday oldini olish mumkin?
Taroqda odatdagidan ko‘proq soch borligini sezsangiz, soch va bosh terisi kasalliklari bo‘yicha mutaxassis — trixologga murojaat qilishingiz kerak. Odatda, inson tabiiy yangilanish jarayonida har kuni 40-60 tukni yo‘qotadi. Agar soch to‘kilishi bilan bog‘liq muammolarga duch kelsangiz, quyidagi maslahatlarni yodda tuting.
Ko‘proq oqsil iste’mol qiling
Kam uglevod yoki o‘simlikka asoslangan parhez go‘zallikning yo‘qotilishiga olib keladi. Kundalik minimal oqsil miqdori 45 grammni tashkil qiladi. Ulardan kamida yarmi hayvon oqsillari bo‘lishi kerak.
Soch tolalaringizga dam bering
Qattiq soch turmaklari, soch ulash va doimiy fen bilan quritish follikullarning qarishiga olib keladi. Hech bo‘lmaganda kun ora bo‘sh soch turmagi qilishga odatlaning.
Tanangizni tinglang
Soch to‘kilishi gipoteriozning belgilaridan biri, u qalqonsimon bezdagi o‘zgarishlar sabab yuzaga kelishi mumkin. Bu holat ko‘pincha menopauzadan keyin paydo bo‘ladi. Agar bu davolanmasa, sochlar ingichka, quruq va mo‘rt bo‘ladi. Gipoteriozning boshqa belgilari vazn ortishi, quruq teri va charchoq. Agar ushbu belgilarni o‘zingizda sezsangiz shifokorga murojaat qiling.
Oziq-ovqat tarkibida vitaminlarning ko‘pligi
B12 vitamini va D vitamini yetishmovchiligi soch o‘sishini sekinlashtiradi va uni soch orasidagi bo‘shliqlarda ko‘rishingiz mumkin. Baliq, go‘sht va sut mahsulotlari bu muammoni hal qiladi.
Shifokorga murojaat qiling
Agar sochlaringiz kundan kunga to‘kilib borayotganini sezsangiz, parik kiyish vaqtini kutmasdan, trixologga murojaat qiling.
Shampun-konditsionerdan foydalaning
Tarkibida pantenol va glitserin bo‘lgan yengil konditsionerlar hatto qattiq shikastlangan sochlarni namlaydi va uning sog‘lomligini saqlaydi. Sochingizni mustahkamlash uchun bu muolajani e’tiborsiz qoldirmang.
Bosh terisini massaj qiling
Har safar sochingizni yuvganingizda, teringizni massaj qilishga harakat qiling. Hech bo‘lmaganda boshingizni barmoqlaringiz bilan yoki massaj cho‘tkasi bilan taragan yaxshiroq. Yaxshi qon aylanishi salomatlik kaliti.
Organizmda temir tanqisligini to‘ldiring
Stress yoki vegetarianlar parhezi metabolik jarayonlar, teri va soch salomatligi uchun mas’ul bo‘lgan ferritin zaxiralaridan mahrum qiladi. Ovqatlanish ratsioningizda temir mahsulotlari miqdorini oshiring yoki vitamin qo‘shimchalaridan foydalaning.
Sog‘lom turmush tarziga rioya qiling
Agarda siz tezpishar taomlarni iste’mol qilsangiz, cheksangiz, spirtli ichimliklar ichsangiz va kam harakat qilsangiz — bularning barchasi sochlaringizga ta’sir qiladi. Hech bo‘lmaganda bitta zararli odat sochga sezilarli ta’sir ko‘rsatadi.
