Iftorlik dasturxoni uchun: Uy sharoitida tayyorlasa bo‘ladigan asalli chak-chak retsepti

Asal va xamir bo‘laklaridan tayyorlanadigan mazali shirinlikni uy sharoitida tayyorlasa ham bo‘ladi. Chak-chak tatar oshxonasining o‘ziga xos shirinliklaridan biri hisoblanadi.

Kerakli masalliqlar:

• tuxum — 5 dona;
• tuz — yarim choy qoshiq;
• pishiriq kukuni — 1 choy qoshiq;
• un — 450 g;
• o‘simlik yog‘i — 1 l;
• shakar — 320 g;
• suv — 220 ml;
• asal — 170 g;
• limon kislotasi — 1 chimdim.

Tayyorlanishi:

1. Tuxumga tuz qo‘shib ko‘pirtiring. Pishiriq kukuni va un qo‘shing. Uni silliq xamir holatiga keltiring;
2. Xamirni dumaloq qilib, oziq-ovqat plyonkasi bilan o‘rang va 1 soatga qoldiring. Keyin mushtlab, qalinligi 1-2 mm bo‘lgan qatlamga aylantiring;
3. Xamirni ingichka chiziqlar shaklida kesib oling va ularni 15-20 mm uzunlikdagi bo‘laklarga bo‘ling;
4. O‘simlik yog‘ini kastryulka yoki ichi chuqur, qizdirilgan idishga soling. Kichik xamir bo‘laklarini 3-4 daqiqa davomida qizargunga qadar qovuring, qog‘oz sochiqlarga qo‘ying;
5. Boshqa idishga shakar va suv soling. Aralashtirib 10-15 daqiqa davomida qaynatib oling;
6. Siropga asal va limon kislotasi qo‘shing. Asalni eriguncha aralashtiring va sovutib oling;
7. Xamir bo‘laklari ustiga siropni teng ravishda soling va aralashtiring. Massani tarelka ustiga yoying yoki undan kichik to‘plar hosil qiling. 1-2 soatga qoldiring;

Yoqimli ishtaha!