Iftorlik dasturxoni uchun yumshoqqina kartoshkali ponchiklar tayyorlaymiz

Smetana yoki pishloqli sous bilan yanada lazzatli bo‘ladigan kartoshkali ponchiklar albatta sizga yoqadi. Uni boshqa masalliqlardan tayyorlasangiz ham bo‘ladi.  

Kerakli masalliqlar:

• kartoshka — 600 g;
• tuz — yarim choy qoshiq;
• xamirturush — 2 choy qoshiq;
• shakar — 1 choy qoshiq;
• un — 400-500 g;
• suv — 50 ml;
• tuxum - 1 dona;
• o‘simlik yog‘i — 1 l.

Tayyorlanishi:

1. Kartoshkani tozalang, tuzli suvda yumshoq bo‘lgunga qadar qaynating, sovutib oling va pyure holatiga keltiring;
2. Xamirturushni shakar, bir osh qoshiq un va iliq suv bilan aralashtiring. Ko‘pik hosil bo‘lguncha 5-10 daqiqaga qoldiring;
3. Pyurega tuxum, iliq kartoshka bulyoni, tuz, 4 osh qoshiq o‘simlik yog‘i, xamirturush va un qo‘shing. Yumshoq va ozgina yopishqoq xamir hosil qiling;
4. Uni katta idishga soling, yopishqoq plyonka bilan yoping va 60-90 daqiqa davomida iliq joyda qoldiring;
5. Xamir ikki baravar kattalashganda, uni olib, yong‘oq kattaligidagi sharchalar hosil qiling. Sharchalarni un solingan taxta ustiga qo‘ying, sochiq bilan yoping va 10-15 daqiqaga qoldiring;
6. O‘simlik yog‘ini kastryulka yoki ichi chuqur, qizdirilgan idishga soling. Ponchiklarni qizargunga qadar 4-5 daqiqa davomida qovuring.

Yoqimli ishtaha!