E’tiborsiz qoldirib bo‘lmaydi: temir tanqisligi haqida jiddiy ogohlantirayotgan alomatlar
Organizmdagi ba’zi vitamin va minerallarning yetishmasligi sizning umumiy holatingiz va tashqi ko‘rinishingizga ta’sir qiladi. Ushbu muhim alomatlarni o‘tkazib yubormang, deb yozadi The Voice Mag nashri.
Kuchli soch to‘kilishi
Odatda, soch to‘kilishi tanadagi temir tanqisligining dastlabki belgilaridan biridir. Agar soch taragandan so‘ng taroqda g‘ayrioddiy ko‘p soch tolalarini topsangiz, bu tekshirish uchun jiddiy sababdir.
Charchoq
Yetarlicha uxlasangiz ham hamon charchoqni his qilsangiz, bu temir tanqisligining alomati. Bu hujayralar kislorod bilan kam ta’minlanganligi sababli sodir bo‘ladi.
Rangpar teri
Agar teringiz rangi odatdagidan oqarib ketgan bo‘lsa, sizda katta ehtimol bilan temir moddasi yetishmayapti. Gap shundaki, qondagi qizil qon tanachalari soni kamayadi, bu esa terini rangpar ko‘rsatadi.
Bosh og‘rig‘i
Bu alomat unutuvchanlik va diqqatni jamlash bilan bog‘liq muammolar bilan birga kechayotgan bo‘lsa, unda siz, albatta, sog‘lig‘ingizni tekshirib, vitaminlarni qabul qilishni boshlashingiz zarur.
Bosh aylanishi
Hujayralarni kislorod bilan ta’minlashning yetarli emasligi, bu organizmda temir yetishmasligi bilan namoyon bo‘ladi, tez-tez bosh aylanishi mumkin, masalan, stuldan o‘rningizdan turganingizda.
Yurak tezligining oshishi
Temir tanqisligi bilan organizm hujayralarni yetarli miqdorda kislorod bilan ta'minlay olmasligi sababli, yurak tezligini oshirish orqali buni qoplashga harakat qiladi.
Nafas qisilishi
Organizm nafas olishning ko‘paytirib, hujayralardagi kislorod yetishmasligi bilan kurashishga harakat qiladi.
O‘zingizda ushbu alomatlarni sezsangiz, sizni kerakli testlarga yo‘naltiradigan va muammoni hal qilishda yordam beradigan shifokorga tashrif buyurishdan tortinmang.
Temir yetishmasligi borasida gap ketganda vitaminlarni qabul qilishdan tashqari, diyetaga temir moddasi yuqori bo‘lgan ovqatlarni ham qo‘shishingiz mumkin. Quyida ana shunday mahsulotlarning ba’zilari.
Temirga boy oziq-ovqatlar:
- Mol go‘shti jigari;
- Pista;
- Keshyu yong‘oqlari;
- Ovsyanka;
- Quritilgan o‘rik;
- Qovoq urug‘lari;
- Mayiz;
- Tofu;
- Ismaloq.
Mavzuga doir:
- Charchoqni his qilmaslik uchun qaysi mahsulotlarni iste'mol qilish kerak?
- Nima uchun soch to‘kiladi va uni qanday to'xtatish kerak? Trixolog javob beradi
- Charchoq va holsizlikning eng keng tarqalgan 11 sababi
