Angliya Kubogi. “Manchester Siti” Riyod Mahrezning het-trigi evaziga raqibini mag‘lub etib, finalga yo‘l oldi
Futbol bo‘yicha Angliya Kubogi yarim finalida “Manchester Siti” 22-aprel, shanba kuni “Sheffild”ga qarshi maydonga tushdi.
Uchrashuv “shaharliklar”ning 3:0 hisobidagi g‘alabasi bilan yakunlandi. Manchester klubi tarkibidagi barcha gollar Riyod Mahrez hisobiga yozildi. Shu tariqa Pep Gvardiola shogirdlari finalga yo‘l oldi.
Ikkinchi yarim finalda “Brayton” va “Manchester Yunayted” o‘zaro bahs olib boradi. Jamoalar o‘rtasidagi uchrashuv 23-aprel sanasida bo‘lib o‘tadi.
Angliya Kubogi
Yarim final
22-aprel, shanba
“Manchester Siti” – “Sheffild” 3:0
Gollar: 1:0 – 43 Mahrez (penalti), 2:0 – 61 Mahrez, 3:0 – 66 Mahrez.
“Manchester Siti”: Ortega, Uoker, Laport, Akanji, Bernardu Silva (Lyuis, 81), Serxio Gomes, Gundo‘g‘an (Fillips, 75), Grilish (Palmer, 67), Mahrez, Holand (Foden, 68), Alvares.
“Sheffild Yunayted”: Foderingem, Boldok (Bogl, 76), Robinson, Igan, Axmedhojich (Kulibali, 76), Lou, Flek (Sharp, 66), Norvud, Berge (Bashem, 75), Ndiay, Jebbison (Makberni, 58).
Ogohlantirish: Norvud (74).
