Rossiyada o‘zbekistonlik erkak 10 yashar qizga jinsiy zo‘ravonlik qildi

Rossiyaning Sankt-Peterburg shahrida o‘zbekistonlik erkak voyaga yetmagan qizga jinsiy zo‘ravonlik qildi. Bu haqda 78.ru xabar berdi.

Kolpinskiy tumanida 10 yashar qizga jinsiy zo‘ravonlik qilish holatlari o‘rganilmoqda. 28-aprel kuni navbatchi bo‘linmaga Metallostroy qishlog‘i Shkolnaya ko‘chasidagi “Pyaterochka” do‘koni hududida noma’lum erkak 10 yoshli qizga nisbatan jinsiy tajovuz qilgani haqida xabar kelib tushgan.

Voqea joyiga yetib kelgan politsiya jinoyatni sodir etishda gumon qilib, 46 yoshli O‘zbekiston fuqarosini qo‘lga olgan. Jabrlanuvchining 42 yoshli onasidan ko‘rsatma olingan. Holat yuzasidan jinoiy ish qo‘zg‘atilgan. O‘zbekistonlik erkak esa vaqtinchalik saqlash izolyatoriga joylashtirilgan.