Koreyada O‘zbekiston fuqarolari bepul koreys tili kurslarida o‘qitiladi

Janubiy Koreyaning Yoju shahrida O‘zbekiston fuqarolari bepul koreys tili kurslarida o‘qitiladi. Bu haqda Tashqi mehnat migratsiyasi agentligi axborot xizmati xabar berdi.

Xabarga ko‘ra, Tashqi mehnat migratsiyasi agentligining Koreyadagi vakolatxonasi hamda Yoju shahridagi Xorijiy ishchilarni qo‘llab-quvvatlash markazi o‘rtasida hamkorlik memorandumi imzolandi. 

Memorandumda markazda tashkil etilgan bepul koreys tili kurslariga o‘zbekistonliklarni jalb qilish va axborot almashish yuzasidan hamkorlik tizimini yo‘lga qo‘yish, keng nishonlanadigan madaniy tadbirlarni hamkorlikda nishonlash, Koreya hududida ishlayotgan O‘zbekiston fuqarolariga huquqiy va maslahat xizmatlarini ko‘rsatish hamda semenar va treninglar o‘tkazish ko‘zda tutilgan.