Kripto-aktivlar provayderlariga litsenziya berish Istiqbolli loyihalar agentligiga o‘tkazilishi mumkin
Oliy Majlis Qonunchilik palatasida 23-may kuni navbatdagi majlis o‘tkazildi. Bu haqda quyi palata axborot xizmati xabar berdi.
Majlisda “O‘zbekiston Respublikasining ayrim qonun hujjatlariga kripto-aktivlar aylanmasi sohasida lisenziyalash va ruxsat berish tartiblarini takomillashtirishga qaratilgan o‘zgartirishlar kiritish to‘g‘risida”gi qonun loyihasi ikkinchi o‘qishda ko‘rib chiqildi.
Ushbu qonun loyihasi bilan kripto-aktivlar aylanmasidagi xizmatlar provayderlari faoliyatini amalga oshirish uchun litsenziya beruvchi organ sifatida Istiqbolli loyihalar milliy agentligi etib belgilanmoqda.
Qayd etilishicha, qonun loyihasining qabul qilinishi kripto-aktivlar aylanmasi sohasida litsenziyalash va ruxsat berish tartiblaridan o‘tishni rivojlantirishga xizmat qiladi. Majlisda qonun loyihasi deputatlar tomonidan qabul qilindi.
