Lego “Betmen qaytmoqda” filmi asosida yaratilgan to‘plamni sotuvga chiqardi (foto)

Lego kompaniyasi “Betmen qaytmoqda” filmiga asoslangan o‘yinchoqlar to‘plamini chiqarayotganini ma’lum qildi, deb xabar bermoqda Europa Plus nashri.

To‘plam Batcave Shadow Box deb nomlangan va Tim Byortonning “Betmen” filmidan ilhomlanib yaratilgan. Qutida ogohlantirish bor: ushbu o‘yinchoqni 18 yoshdan boshlab sotib olib, taxlash mumkin. Agar yosh chegarasini chetlab o‘tgan bo‘lsangiz, deyarli 4 000 qismdan iborat o‘yinchoqni yasashingizga to‘g‘ri keladi. O‘yinchoqni yasab bo‘lgandan keyin ba’zi qismlarini ko‘chirish mumkin.

Bir necha soatlik mashaqqatli mehnat natijasida siz balandligi taxminan 30 sm, kengligi 50 sm va chuqurligi 15 sm bo‘lgan bir turdagi qutini hosil qilishingiz kerak. Qutining ichida turli xil kostyumlardagi yettita o‘yinchoq: ikkita Betmen, Alfred, Mushuk ayol va boshqa personajlar bor.

O‘yinchoq faqatgina Bryus Ueynga sovg‘a sifatida beriladi. Superqahramonning muxlislari va Lego konstruktorlari uni o‘z pullariga sotib olishi kerak. Uning narxi taxminan 400 dollarni tashkil qiladi. O‘yinchoq 8-iyundan sotuvga chiqariladi.