Kiyev Ukraina xaritasini Qrimsiz namoyish qilgani uchun Budapeshtga norozilik bildirdi

Ukrainaning Vengriyadagi muvaqqat ishlar vakili Vengriya tomoniga Ukraina xaritasining “noto‘g‘ri” belgilanishi munosabati bilan rasmiy demarsh bildirdi.

30-may kuni Vengriya hukumati YouTube’ga Rossiya—Ukraina mojarosini tinch yo‘l bilan hal qilishga chaqiruvchi videoni joylashtirdi, unda Ukraina xaritasi Qrimsiz ko‘rsatilgan.

Yarimorol 2014-yilgi referendumdan keyin Rossiya tarkibiga kirgandi.

“Qrim yarimorolining Ukraina tarkibiga kirmaydigan hudud sifatida belgilanishi rasmiy Budapeshtning Ukraina suvereniteti va uning xalqaro tan olingan chegaralari doirasidagi hududiy yaxlitligini qo‘llab-quvvatlash bo‘yicha bir necha bor bildirilgan pozitsiyasiga ziddir”, — deyiladi Ukraina Tashqi ishlar vazirligi izohida.