Andijonda uy yonishi oqibatida ikki nafar fuqaro shifoxonaga yotqizildi
Andijon viloyatida xonadonlarning biri yonishi oqibatida ikki nafar fuqaro shifoxonaga yotqizildi. Bu haqda FVV axborot xizmati xabar berdi.
Unga ko‘ra, 8-iyun kuni soat 16:19 da Andijon shahar “Yorboshi” MFY Sohil ko‘chasida joylashgan uylarning birida yong‘in sodir bo‘layotgani to‘g‘risida shahar FVBga xabar tushgan. 3 ta yong‘in-qutqaruv ekipaji soat 16:26 da voqea joyiga yetib borib, yong‘in soat 16:29 da o‘rab olingan va soat 16:34 da o‘chirilgan.
Yong‘in natijasida uyning 70 kvadrat metr maydonda tom, shift va uy jihozlari yonib zararlangan. Tezkor harakatlar tufayli uyning 150 kvadrat metr maydoni yong‘indan saqlab qolingan.
Hodisa oqibatida ikki nafar fuqaro turli darajada kuyish tan jarohati olib, shifoxonaga yuborilgan. Halok bo‘lganlar yo‘q. Yong‘in sababi va moddiy zarar miqdori aniqlanmoqda.
