Charlz III qirol bo'lganidan keyin Uelsdagi hashamatli uyidan voz kechdi
Qirol Charlz III Uyelsdagi uyidan voz kechdi, chunki u monarxiya xarajatlarini qisqartirish rejalariga muvofiq mulk portfelini qisqartirishni boshladi. Bu haqda Daily Mail yozmoqda.
Charlz III Uels shahzodasi bo‘lgan 2007 yilda Kornuoll gersogligi orqali Llvinevermoddagi uyni sotib olgandi. Gersoglik Karmartyenshirdagi Llandoveri yaqinidagi hashamatli ferma uchun 1,2 million funt sterling to‘lagan.
Yaqin vaqtgacha Charlz III Uelsga muntazam sayohatlari paytida mazkur uyda yashayotgandi, ammo u qirol bo‘lgandan so‘ng, knyazlik endi Uels shahzodasi unvoniga ega bo‘lgan shahzoda Uilyamga o‘tdi.
Shunday qilib, qirol 78 gektarlik yer egasidan ko‘chmas mulk ijarachisiga aylandi. Ijara muddati yoz oxirida tugaydi. Bukingem saroyi qirol bu haqda gersoglikni 2023-yil boshida xabardor qilganini tasdiqladi.
