14 yoshli o‘quvchi “O‘rgimchak odam” multfilmining Lego uslubidagi animatsiyasini yaratdi (video)
Hayotda hech narsani oldindan aytib bo‘lmaydi. Ba’zida omad bizni xayolimizga ham kelmagan joyda kutadi. Preston Mutanga — o‘n to‘rt yoshli maktab o‘quvchisi bilan ham xuddi shu voqea sodir bo‘ldi. U Marvel multfilmi — “O‘rgimchak odam: Koinotlar aro” ustida ishlashga taklif qilindi. Quyida u qanday qilib bu ishga loyiq ko‘rilgani haqida so‘z boradi.
Gap shundaki, Preston bir yarim yildan beri YouTube kanalini boshqarib keladi. U o‘z kanaliga Lego uslubida yaratilgan animatsiyalarni joylab boradi. Bundan tashqari, Preston bu ishlarni juda sifatli qiladi. Qishda yosh rassom “O‘rgimchak odam: Olamlar to‘ri” multfilmining treylerini yaratdi. Multfilm prodyuserlari unga e’tibor qaratdi.
“Biz 14 yoshli o‘smir ushbu videoroliklar ustida ishlayotganini bilib oldik va bu uning yoshidagi insonlar uchun murakkab ish ekanini o‘yladik. Uning ishi barchani, jumladan, dunyodagi eng yaxshi animatorlarni ham hayratda qoldirdi”, — deydi multfilm prodyuseri.
Shundan so‘ng, loyiha ijodkorlari maktab o‘quvchisi bilan bog‘lanib, unga “O‘rgimchak odam” filmidagi butun sahnani ishonib topshirdi. Preston bu vazifa bilan bahorgi ta’til paytida ham, maktabdan keyin, kechqurun ham shug‘ullangan. Multfilm 2-iyun kuni namoyish etildi.
