Shols mudofaa xarajatlarini Germaniya budjeti uchun chaqiruv deb atadi

Germaniya kansleri Olaf Shols mamlakat mudofaa xarajatlarining oshirilishi butun budjet uchun katta qiyinchilik tug‘dirishini ta’kidladi.

Avvalroq, hukmron koalitsiya mudofaadan tashqari deyarli barcha sohalarda xarajatlarni qisqartirishni ko‘zda tutuvchi 2024-yil uchun mamlakat budjeti loyihasini taqdim etgani ma’lum qilingandi.

“Xavfsizlik – katta chaqiruv va bu, albatta, butun budjet uchun chaqiruvni anglatadi”, — dedi Shols parlamentdagi chiqishida.

U yana bir bor Ukrainadagi mojaroni Germaniya uchun xavfsizlik siyosatini qayta ko‘rib chiqishga majbur qilayotgan burilish nuqtasi deb atadi. Bundan tashqari, u Berlin Ukrainaga faol harbiy, moliyaviy va gumanitar yordam ko‘rsatayotgani va bu qancha davom etishi aniq emasligini ta’kidladi.