Toshkent viloyatida yil boshidan buyon 20 mingdan ortiq piyoda qoida buzgani uchun jarimaga tortildi

Toshkent viloyatida yil boshidan buyon — o‘tgan olti oyda 20 mingdan ortiq piyoda qoida buzgani uchun jarimaga tortildi. Bu haqda viloyat YHXB axborot xizmati xabar berdi. 

Unga ko‘ra, Toshkent viloyatida piyodalar ishtirokida yo‘l-transport hodisalarini oldini olish maqsadida avtomobil yo‘llarida o‘tgan 6 oy mobaynida yo‘l harakati qoidalarini buzgan 21 546 nafar piyodaga maʼmuriy bayonnomalar rasmiylashtirildi.

Ma‘lumot uchun, Ma‘muriy javobgarlik to‘g‘risidagi kodeksga binoan piyodalar tomonidan yo‘l harakati qoidalari buzilishi bazaviy hisoblash miqdorining uchdan bir qismi miqdorida (hozirgi kunda 110 ming so‘m) jarima solishga sabab bo‘ladi.