Pekin 1951-yildan beri kuzatilmagan jaziramada qoldi

Pekin anomal issiq havo kuzatilmoqda. Xitoy poytaxtida issiq ob-havo xavfining eng yuqori “qizil” darajasi e’lon qilindi. Kunduzi aksariyat hududlarda termometr ko‘rsatkichi Selsiy bo‘yicha 40 darajadan oshmoqda.

Bu yozda poytaxt meteorologlari tomonidan e’lon qilingan ikkinchi yuqori harorat haqida ogohlantirishdir. Nankin hududidagi ob-havo stansiyasi ma’lumotlariga ko‘ra, iyun oyining boshidan 5-iyulgacha harorat 35 daraja va undan yuqoriga yetgan.

To‘rt kun davomida esa 40 daraja issiqlik kuzatildi. Bu ko‘rsatkichlar 1951-yilda stansiya ishga tushirilgandan beri eng yuqori ko‘rsatkichdir.

Pekinliklarga ochiq havoda kamroq yurish va ko‘chaga chiqqanda zarur choralarni ko‘rish tavsiya etilgan. Prognozlarga ko‘ra, issiqlik to‘lqini payshanbadan jumagacha davom etadi.