Issiq ob-havo tufayli Antarktidadagi muz miqdori rekord darajada kamaydi

Iyun oyida Antarktidadagi muz hajmi rekord darajada kamaydi. Bu haqda Butunjahon meteorologiya tashkiloti saytida ma'lum qilindi.

Iyun norasmiy ravishda sayyoradagi eng issiq oy deb tan olingan. Rekord darajadagi quruqlik va okean harorati turli ekotizimlar va atrof-muhitga halokatli ta’sir ko‘rsatishi mumkin, deya ta'kidladi tashkilot vakili.

Antarktidadagi muzning keskin kamayishi butun dunyo bo‘ylab dengiz sathining ko‘tarilishiga jiddiy ta’sir ko‘rsatadi.

Muz hajmi sun’iy yo‘ldosh orqali kuzatuv davri boshidan beri o‘rtacha ko‘rsatkichdan 17 foizga yoki taxminan 2,2 million kvadrat kilometrga kamaygan. Tashkilot muzning erishi bo‘yicha avvalgi rekordga 2022-yilda qayd etilganini ta’kidladi.

O‘tgan yilga nisbatan Antarktidadagi muz miqdori 1,2 million kvadrat kilometrga kamaydi.