“Tolibon” Afg‘onistonda qolgan AQSH qurollarini sotayotgani haqidagi iddaolarga javob qaytardi

“Tolibon” matbuot kotibi Zabiulloh Mujohid Afg‘onistonda qolgan AQSH qurol-yarog‘larining Eron va Falastinga sotilgani haqidagi xabarni rad etdi va buni “tashviqot” deb atadi. Bu haqda Hasht-e Subh Daily xabar berdi.

Mujohid AQSH Vakillar palatasi Tashqi aloqalar qo‘mitasi raisi Maykl Makkolning “Tolibon” AQSHdan qolgan qurol-yarog'larni sotayotgani haqidagi bayonotlari haqiqatga to‘g‘ri kelmasligini aytdi.

“Xorijiy qo‘shinlar chiqarib yuborilib, Islom amirligi to‘liq suverenitetga ega bo‘lgandan so‘ng barcha qurol-yarog‘, texnika va transport vositalari mamlakat omborlari va zahiralarida saqlanayotgani, hech kimga hatto bitta qurolni olib chiqish va sotishga ruxsat berilmagani haqiqatdir”, — dedi Mujohid.

U “bu turdagi targ‘ibot Afg‘onistondagi mavjud barqarorlik va nazoratga toqat qila olmaydigan tanglik va xudbinlikka intilayotgan kimsalarning fitnasi” ekanini bildirdi.  atadi.