Samarqandda yigit tog‘asining mashinasini olib qochib, 4 ta avtomobil bilan to‘qnashdi

Samarqand viloyatida 19 yoshli yigit tog‘asining mashinasini olib qochib, 4 ta avtomobil bilan to‘qnashdi. Bu haqda viloyat IIB axborot xizmati xabar berdi. 

Unga ko‘ra, ishtixonlik yigit to‘ydan tog‘asining mashinasini haydab chiqqan va avtohalokatga uchragan. 19 yoshli yigit ushbu holatni sodir etganidan tog‘asi bexabar bo‘lgan. U Samarqand shahrida 4 ta mashina ishtirokida YTH sodir etgan va qochib ketgan. 

“Tog‘amning mashinasini olib qochdim. Qaytishda Samarqand shahrida YPX xodimlari to‘xtatdi. Men to‘xtamasdan mashinalarni urib, yana qochib ketdim. Shahardan mashinalarni tuzatib, yana qishloqqa qaytgan edim. Mashinani yashira olmadim, xodimlar meni ushlab oldi. Qilgan ishimdan pushaymonman”, — deydi yigit. 

Hozir mazkur holat yuzasidan tergov harakatlari boshlangan.