Ukraina razvedkasi Putin haqida qanday qilib ma’lumot to‘plashini ochiqladi

Ukraina razvedkasi rahbari Kirill Budanov hozir Kremlda sodir bo‘layotgan voqealar haqida barcha ma’lumotlarga ega ekanini aytdi. Bu haqda Reuters xabar berdi.

Budanovning so‘zlariga ko‘ra, Ukraina turli manbalardan, jumladan, Rossiya prezidenti Vladimir Putinga yaqin odamlardan ma’lumot oladi. U 2014-yil Ukraina axborot urushida Rossiyaga yutqazgan bo‘lsa, hozir Rossiyaning o‘zi Ukrainaga yutqazayotganini aytdi.

Mulozim Prigojin isyonidan so‘ng Ukraina razvedkasi ma’lum xulosalar chiqarganini bildirdi. Budanov Ukraina razvedkasi bosqin tahdidi haqida birinchi bo‘lib ogohlantirganini eslatdi.

“Agar siz ‘Mossad’ni Isroilning mashhur tashqi razvedka xizmati deb bilsangiz, biz bunga intilamiz... Davlat dushmanlarini yo‘q qilishga kelsak, shunday qilib kelganmiz va bu davom etadi. Biz hech narsani qayta tashkillashtirishimiz kerak emas, chunki u allaqachon mavjud”, — deb javob berdi Ukraina razvedka rahbari.

Budanovga qarshi suiqasdga ko‘plab urinishlar bo‘lgan. Oxirgi holatda hujumchining o‘zi Ukraina razvedkasi rahbarining mashinasini portlatib yubormoqchi bo‘lganida portlatilgan.