Mutaxassislar inflyatsiyaning sekinlashuvi hisobiga AQSH iqtisodiyoti bo‘yicha prognozlarni yaxshilamoqda

AQSHda inflyatsiyaning sekinlashishi, AQSH mehnat bozori va, umuman, iqtisodiyot barqarorligining saqlanishi ekspertlarni mamlakat yalpi ichki mahsuloti bo‘yicha prognozlarni ijobiy tomonga qayta ko‘rib chiqishga majbur qilmoqda, deb yozadi The Wall Street Journal.

Keyingi 12 oy ichida Qo‘shma Shtatlarda retsessiya ehtimoli iqtisodchilar tomonidan 54 foizga baholanmoqda, gazeta har chorakda o‘tkaziladigan so‘rov natijalarini ko‘rsatmoqda. Oldingi ikki so‘rovda retsessiya ehtimoli 61% deb baholangan edi.

So‘rov 7—12-iyul kunlari 69 nafar iqtisodchi o‘rtasida o‘tkazildi.

Konsensus prognoziga ko‘ra, AQSH iqtisodiyoti ikkinchi chorakda yillik hisobda 1,5 foizga o‘sgan. Aprel oyida AQSH yalpi ichki mahsuloti atigi 0,2 foizga oshishi kutilgan edi.

Mutaxassislar hali ham AQSH iqtisodidagi retsessiyani prognoz qilmoqdalar, ammo endilikda bu kutilganidan kuchsizroq bo‘lishiga ishonishyapti.