Toshkent viloyatida chiqindilarni yoqmoqchi bo‘lgan ayol o‘zini ham yoqib yubordi

Toshkent viloyatidagi tumanlarning birida ayol ehtiyotsizlik oqibatida chiqindilarni yoqayotgan vaqtida o‘zini ham yoqib yubordi. 

Ma‘lum bo‘lishicha, ayol axlat uyumi ustiga yaxshiroq yonishi uchun benzin quygan. Birdan ko‘tarilgan alangan uning ustidagi kiyimlarga o‘tib ketgan. Voqea viloyatdagi tumanlarning birida sodir bo‘lgan. Ayol yonayotgan kiyimlarni yechguniga qadar tanasining 75 foizi kuyib ketgan. Shifokorning so‘zlariga ko‘ra, hozirda uning ahvoli og‘ir.

“Bemor ehtiyotsizlik natijasida olov yoqqan va tanasining 75 foizi kuygan: 1, 2, 3-kuyish jarohatini olgan. Uning oyoq-qo‘llari, qorin, ko‘krak sohalari 2-3-daraja kuygan. Hozirda bemorning ahvoli og‘ir. Biz tezkor ravishda birinchi yordam ko‘rsatdik. Barcha kerakli tekshiruvdan o‘tkazdik. Bemor o‘z hushida”, — deydi shifokor.