Netflix “Depp Xyordga qarshi” mini-hujjatli seriali treylerini taqdim etdi (video)
Netflix kompaniyasi “Depp Xyordga qarshi” hujjatli mini-serialining treylerini taqdim etdi. Video striming xizmatining YouTube kanalida namoyish qilindi.
Mini-serial uchta qismdan iborat bo‘ladi. Loyihada Ember Xyordning Jonni Deppga tuhmat ayblovi bo‘yicha sud jarayoni haqida so‘z boradi. Muxlislar, ommaviy axborot vositalari, blogerlar va ijtimoiy tarmoqlarning oddiy foydalanuvchilari tomonidan shov-shuvli jarayonga qiziqish kuchayishi loyihaning asosiy mavzularidan biri bo‘ladi, ular ijodkorlarning qaysi biri rost, qaysi biri yolg‘on gapirayotganini tushunishga harakat qiladi. Mini-serialning premyerasi Netflix’da 16-avgust kuni bo‘lib o‘tadi.
2022-yilning iyun oyida sud Ember Xyordni The Washington Post gazetasida Jonni Deppni oiladagi zo‘ravonlikda ayblagan maqolasi tufayli tuhmat qilayotganlikda aybdor deb topdi va uni sobiq turmush o‘rtog‘iga 10,3 million dollar to‘lashga majbur qildi. Aktyor qarshi da’voda aktrisaga 2 million dollar to‘lashi kerak edi.
Keyinchalik, Depp va Xyord agar aktrisa sobiq turmush o‘rtog‘iga bor-yo‘g‘i 1 million dollar to‘lasa, mojaro hal bo‘lishiga kelishib oldi. “Akvamen” yulduzi bu qarorni qabul qilish “juda qiyin” bo‘lganini aytgan, u hech qachon aybiga iqror bo‘lmagan. Deppning vakillari u uchun pul olish emas, faqat o‘z sha’nini himoya qilish muhimligini ta’kidladi.
Iyun oyida Xyord Depp bilan kelishuvga erishdi. Aktyor sobiq rafiqasidan olgan pulni xayriya ishlariga sarflashga qaror qildi.
