“Barbi” va “Oppengeymer” jahon prokatida yana bir bor rekord o‘rnatdi
Rejissor Greta Gervigning “Barbi” komediyasi ikkinchi dam olish kunlarida 93 million dollar ishlab topdi. Bu Warner Bros. studiyasi tarixidagi eng daromadli dam olish kunlari hisoblanadi. Bu haqda “Film.ru” xabar berdi.
Kartina AQShda 352 million dollar, jahon prokatida 750 million dollar daromad keltirgan. Uning budjeti 140 million dollarni tashkil etadi.
Eng ko′p daromad keltirgan yangi filmlar ro‘yxatida Kristofer Nolanning “Oppengeymer” filmi ikkinchi o‘rinni egalladi.
Bayopik namoyish etilganidan so‘ng ikkinchi dam olish kunlarida AQShda 46 million dollar ishlab topdi. Universal ushbu filmni ishlab chiqarishga 100 million dollar sarflagan. Kartinaning AQShdagi daromadi 174 million dollar, jahon prokatidagi 400 million dollarni tashkil etmoqda.
“Barbi” filmida bosh rolni Margo Robbi, “Oppengeymer”da esa Kilian Myorfi ijro etgan.
