Kardashyan-Jenner oilasidagi eng badavlat inson kimligi ma’lum qilindi
Birovning pulini sanash — yaxshi ish emas. Biroq agar gap taniqli shaxslar haqida ketsa muxlislari ularning daromadi qancha ekanligi haqida bilishni istaydi. G‘arbiy OAVlar Kardashyan-Jenner oilasidagi eng badavlat inson kimligini hisoblab chiqdi.
Oiladagi qizlarning orasida “kamtarona” hayot kechiradigan ularning ukasi Rob Kardashyan hisoblanadi.
Rob shou-biznesga unchalik qiziqmaydi, shuning uchun u amerikalik ushbu oilaning muxlislariga unchalik tanish emas. Robning hozirgi daromadi 10 million dollarni tashkil etadi. Bu pullarni u “Kardashyan oilasi” shousida, “Rob va Chayna” reality-seriali syomkasida ishtirok etib topgan.
Kendall Jenner
Ikkinchi o‘rinni 60 million dollar daromad bilan Kendall Jenner egallab turibdi. Kendal daromadining asosiy qismini uning moda sanoatidan oladigan maoshi tashkil etadi. Kendall bir necha yillardan buyon jahonga taniqli brendlar bilan hamkorlik qilib keladi.
Xloe Kardashyan
Xloe Kardashyanning daromadi ham 60 million dollarni tashkil qiladi. U ma’lum bir sohada faoliyat yuritmasa-da, turli reality-shoulardagi ishtiroki unga katta daromad keltirgan.
Kortni Kardashyan
Kortni Kardashyan Xloya kabi oilasi ishtirokidagi reality-shoulardan yaxshigina pul ishlab topadi. Uning daromadi hozirgi kunda 65 million dollarni tashkil etmoqda. Kortni “Kardashyan oilasi” reality-shousining prodyuseri ham hisoblanadi. Shuningdek, u motivatsiya, fitness va go‘zallik haqidagi platforma — Poosh’ga asos solgan.
Kris Jenner
Mashhurlar oilasining onasi — Kris Jennerning daromadi ham kun sayin ortib bormoqda. Uning hozirgi iqtisodiy holati — 170 million dollarga baholangan. Kris farzandlarining menejeri hisoblanadi, u qizlarining daromadidan foiz oladi. Shunday bo‘lsa-da, Kris pul topishda qizlaridan o‘tib keta olmaydi.
Masalan uning kenga qizi Kayli Jennerning daromadi 700 million dollarni tashkil etadi. Kayli yoshligidanoq biznes bilan shug‘ullanadi. U 19 yoshida o‘zining byuti-imperiyasi — Kylie Cosmetics’ga asos solgan. Biroq opa-singillar ichida u eng badavlati emas.
Kim Kardashyan
Kardashyanlar orasida eng badavlat inson — Kim Kardashyan hisoblanadi. Uning daromadi 1,7 milliard dollarni tashkil etadi. Kimning milliardlari soniya sayin ortib bormoqda. U bu pullarni mashhur brendlar bilan shartnomalar va o‘zining shaxsiy biznesi orqali ishlab topadi.
