Toshkentdagi bog‘chada bola bosh miyasidan jarohat oldi

Toshkentdagi bog‘chada bola bosh miyasidan jarohatlandi. Bu haqda ijtimoiy tarmoqlarda xabar e’lon qilingach, Toshkent shahar maktabgacha va maktab ta’limi vazirligi matbuot xizmati holat yuzasidan ma’lumot berdi.

Voqea 2023-yil 28-mart kuni Yashnobod tumanidagi 557-sonli bog‘chada, tarbiyachilarning eʼtiborsizligi tufayli yuz bergan. Hodisa bo‘yicha fuqaro tomonidan o‘sha zahoti Yashnobod tuman IIO FMO boshqarmasiga murojaat qilingan va murojaatda keltirilgan vajlar yuzasidan Yashnobod tuman IIO FMB tomonidan tergovga qadar tekshiruv harakatlari olib borilgan.

Uning natijasiga ko‘ra 6-aprel kuni holat yuzasidan jinoyat ishi qo‘zg‘atishni rad qilish to‘g‘risida qaror qabul qilingan.