Kuleba: “Ukrainaning qarshi hujumi sekin, ammo barqaror davom etmoqda”

Ukraina tashqi ishlar vaziri Dmitriy Kuleba Corriere della Sera nashriga bergan intervyusida qarshi hujum sekin, ammo barqaror davom etayotganini ma’lum qildi.

Qarshi hujumdagi eng katta muammo sifatida u ruslar o‘tgan yil davomida qurgan mustahkam mudofaa pozitsiyalarini ko‘rsatib o‘tgan.

“Jangchilarimiz uchun oldinga borish oson emas. Lekin oxir-oqibat biz buni uddalaymiz. Men Italiyada Ikkinchi jahon urushi paytida Monte-Kassino jangini eslayman. Dastlab Germaniyaning dahshatli pozitsiyalari ittifoqchilar yo‘lini to‘sib qo‘ygan edi. Ammo to‘rt oy o‘tib, ular nemislarni mag‘lub qilib, muvaffaqiyatga erishdilar”, — dedi u.

Kulebaning qayd etishicha, Ukraina qo‘shinlari ham xuddi shunday vaziyatda.

“Ishonchim komilki, biz albatta g‘alaba qozonamiz”, — dedi Ukraina tashqi ishlar vaziri.