Erondagi Shoh Cherax maqbarasida noma’lum erkak odamlarni o‘qqa tutdi (video)

Eron janubidagi Sheroz shahrida noma’lum shaxs Shoh Cherax maqbarasiga bostirib kirib, o‘t ochdi, deb xabar bermoqda Al Jazeera.

13-avgust kuni hujumchi maqbaraga binoning janubiy darvozasi orqali kirdi va otishma boshladi, deydi rasmiylar. Bir kishi halok bo‘ldi, sakkiz kishi yaralandi.

Otishma sodir etgan shaxs voqea joyida qo‘lga olindi. Uning qo‘lida avtomat va 240 ta o‘q solingan sakkizta o‘qdon bo‘lgan.

Fars viloyatida joylashgan va shia mazhabidagilar uchun eng muhim ziyoratgohlardan biri Shoh Cherax 2022-yil 26-oktabr kuni ham xuddi shunday hujumga uchragan edi. O‘shanda qurol ko‘targan odam ziyoratchilar va maqbara xodimlarini o‘qqa tutgan — 13 kishi halok bo‘lgan, 40 kishi yaralangan.