“NATO Ukrainaga urushda g‘alaba qozongunga qadar yordam beradi” — Yens Stoltenberg 

NATO Ukrainani g‘alaba qozongunga qadar qo‘llab-quvvatlaydi. Bu haqda Shimoliy Atlantika alyansi bosh kotibi Yens Stoltenberg Norvegiyada bo‘lib o‘tgan matbuot anjumanida ma’lum qildi.

“NATO Ukraina urushda g‘alaba qozonguncha qo‘llab-quvvatlaydi”, — dedi Stoltenberg.

15-avgust kuni NATO bosh kotibining shaxsiy idorasi direktori Stian Yenssen Shvetsiyaning “Verdens Gang” gazetasiga bergan intervyusida Ukraina Rossiyaning bir qismi sifatida tan olishdan bosh tortgan hududlarni berishga rozi bo‘lsa, NATOga a’zo bo‘lishi mumkinligini aytgandi.

Stoltenberg o‘z so‘zlarini sharhlar ekan, “Uning (Yenssenning) asosiy fikri va mening asosiy ishoram shuki, NATO siyosati o‘zgarishsiz qolmoqda, biz Ukrainani qo‘llab-quvvatlaymiz”, — dedi. “Tinchlik shartlarini ukrainaliklar belgilashi kerak, NATOning vazifasi ukrainaliklarni qo‘llab-quvvatlashdir. Muzokaralar uchun shartlar qachon paydo bo‘lishi va muzokaralar stolida nima maqbul bo‘lishini faqat ular hal qilishi mumkin”, — deya qo‘shimcha qildi Stoltenberg.