Yaponiyada o‘yin avtomatlari zali yonida kamida 100 ta mashina yonib ketdi

Yaponiyaning Atsugi shahrida joylashgan o‘yin avtomatlari zali yonidagi ko‘p qavatli avtoturargohda yong‘in chiqdi. Oqibatda kamida 100 ta mashina yonib ketdi.

NHK telekanali xabar berishicha, dastlab bitta mashina yonib ketgan, shundan so‘ng yong‘in yaqin atrofda turgan mashinalarga o‘tib, avtoturargohning ikkinchi qavatini qamrab olgan.

Mahalliy telekanalda namoyish qilingan vertolyotdan olingan kadrlarda binodan qora tutun ko‘tarilayotganini ko‘rish mumkin. Voqea joyiga 20 ta o‘t o‘chirish mashinasi jo‘natilgan va yong‘inni o‘chirish uchun to‘rt soat vaqt ketgan. Qurbonlar haqida hozircha ma’lumot yo‘q.